Ó pẹ́ tí a ti nsọ̀rọ̀ wọn – àwọn tó jẹ́ pé kí wọ́n pa ọmọ èèyàn ni iṣẹ́ tí àṣìtáánì gbé lé wọn lọ́wọ́, bí wọ́n ṣe máa dín iye èèyàn tó wà lágbayé kù ni wọ́n nrò; bí wọ́n ṣe gbé HIV wá, tí wọ́n gbé EBOLA wá, náà ni Covid dé lẹ̀; àwọn kan ọ̀ún náà ni wọ́n nsọ̀rọ̀ GMO; bẹ́ẹ̀ ni wọ́n nṣe ayédèrú abẹ́rẹ́-àjẹsára, tí wọ́n á tún kàn-án npá pé àwọn èèyàn gbọ́dọ̀ gbàá. A ní láti ṣọ́ra fún wọn, bí a ṣe máa nsọ.
Ààrẹ àná ní ìlú Amẹ́ríkà, Donald Trump, tí ó sì tún ndíje nísiìyí, ti kígbé àwọn ẹni ibi yí síta o, ó ní wọ́n tún ti bẹ̀rẹ̀ o, kí wọ́n máa dẹ́rù ba àwọn èèyàn: wọ́n ti nsọ pé irúfẹ́ covid kan tún ti mbọ̀, bẹ́ẹ̀ dẹ̀ ni ọ̀nà àti kó ìbẹ̀ru-bojo bá àwọn èèyàn, kí wọ́n tún ti gbogbo ará ìlú mọ́’nú’lé, láti máa ṣè’yí tó wù wọ́n sí ọmọ ènìyàn; ọ̀nà kí wọ́n tún máa wá bí wọ́n á ṣe fi típa mú èèyàn kí wọ́n wá gba abẹ́rẹ́ àjẹsára, àti bẹ́ẹ̀ bẹ́ẹ̀ lọ ni.
Bí ó tilẹ̀ jẹ́ pé kò sí èyí tó kàn wá pẹ̀lú òṣèlú Amẹ́ríkà, ṣùgbọ́n ohun tí a rí mú jáde nínú ọ̀rọ̀ náà ni pé a tún ti gbọ́ ọ̀rọ̀ lórí bí ó ṣe yẹ kí ọmọ ìbílẹ̀ Yorùbá ṣọ́ra kí a má máa rò pé tí àwọn òyìnbó kan bá ti sọ̀rọ̀, kí á wá rò pé bóyá Ọlọ́run ló sọ̀rọ̀, rárá o.
Àwa gẹ́gẹ́bí ọmọ Ìbílẹ̀ Yorùbá, ti Orílẹ̀-Èdè Olómìnira Tiwantiwa ti Yorùbá, ẹ máa jẹ́ kí á mọ Ìtúmọ̀ oun tí ó jẹ́, pé orílẹ̀-èdè aṣèjọba-ara-ẹni ni wá.
❗PÀJÁWÌRÌ FÚN ÀÀBÒ❗KÁÀKIRI GBOGBO ÌPÍNLẸ̀ YORÙBÁ TÍTÍ DÉ OLD Ọ̀YỌ́ EMPIRE, Ẹ MÁA YA FỌ́TÒ FÚLÀNÍ, OLỌ́PA, OLÓṢÈLÚ, SÓJÀ, TÍ Ẹ BÁ FURA SÍ ÌRÌN ÀTI ÌṢESÍ WỌN NÍ AGBÈGBÈ YÍN. KÍ Ẹ FI ṢỌWỌ́ SÍ BÀBÁ ÌJÌNLẸ̀ +905367341665 (WHATSAPP). (ÌKÉDE… Pín Sórí Àgbàgbé X (Twitter)Ó túmọ̀ sí pé a ò ní ọ̀gá kankan lórí wa; àwa gẹ́gẹ́bí orílẹ̀-èdè ni ọ̀gá ara wa, tí a sì ní ìjọba tiwa; nítorí èyí, kí a má rò pé tí òyìnbó kan bá ti sọ pé àìsàn kan mbọ̀ o, kí á wá tìtorí ìyẹn kó’ra wa sí ìbẹ̀rùbojo, rárá o. Òyìnbó kankan ò lè máa dà wá ríborìbo; òyìnbó kankan ò dẹ̀ lè kàn-án npá fún wa láti gba abẹ́rẹ́ àjẹsára kankan.
Ẹ jẹ́ kí á rántí nígbà gbogbo pé, kò sí ẹni tí ó yan òyìnbó gẹ́gẹ́bí ọ̀gá gbogbo àgbáyé – wọ́n kàn máa nlo òjé fún àwọn ènìyàn ni, àwa ni a ò níí gbà kí òjé wọn ó jẹ wá. Orílẹ̀-Èdè AṢÈJỌBA-ARA-ẸNI ni Orílẹ̀-Èdè Olómìnira Tiwantiwa ti Yorùbá, èyí tí a tún mọ̀ sí, Orílẹ̀-Èdè Yorùbá, Ìṣèjọba Yorùbá, Agbègbè-Ilẹ̀ Yorùbá, àti Ilẹ̀ Yorùbá. Gbéra sọ, ìwọ Orílẹ̀-Èdè Yorùbá. D.R.Y kìí ṣe ẹrú ẹnikankan.
Ká Ìròyìn Síwájú sí:
- OLÓRÍ ÌJỌBA ADELÉ ORÍLẸ̀-ÈDÈ OLÓMÌNIRA TIWANTIWA TI YORÙBÁ, BÀBÁ WA, MỌBỌ́LÁJÍ ỌLÁWÁLÉ AKINỌLÁ ỌMỌ́KỌRẸ́, BÁ ÀWỌN Ọ̀DỌ́ SỌ̀RỌ̀ NÍ ÀYÁJỌ́ ỌJỌ́ Ọ̀DỌ́
- Ọ̀RỌ̀ OLÓGO LÁTI ẸNU ÌYÁ WA, ÌRÁNṢẸ́ OLÓDÙMARÈ, ÌYÁ-ÀÀFIN MODÚPẸ́ ONÍTIRÍ-ABÍỌ́LÁ, NÍ ÀYÁJỌ́ ỌJỌ́ ÀWỌN Ọ̀DỌ́
- SEYI MAKINDE, Ẹ̀ṢẸ̀ RẸ̀ Ń PỌ̀ SÍ LÓJOOJÚMỌ́
- ÒṢÌṢẸ́ PA Ọ̀GÁ WỌN NÍ ÌLÚ ÀKÚRẸ.. HÀÀ!
